Online media နှင့် မြန်မာနိုင်ငံအင်တာနက်ဖွံ့ ဖြိုးလာမှု

တကယ်တမ်းပြောရရင်တော့ online media ဆိုတာအကျယ်ကြီးပါ။ စာတစ်ပိုဒ်၊ audio file လေးတစ်ခုကအစ video file တွေ၊ Website နဲ့ blog တွေအထိ….အရှင်းဆုံးပြောရရင်စာသား၊အရုပ်နဲ့ အသံ တွေကို electronic နည်းလမ်းတစ်မျိုးမျိုး(ရေဒီယို၊အင်တာနက်၊ရုပ်မြင်သံကြား….)နဲ့ ထုတ်လွှင့်ဖော်ပြခြင်းဖြစ်ပါတယ်။ နောက်ဆုံး social network site တွေဖြစ်တဲ့ facebook တို့ …twitter တို့ လည်း online media ထဲအပါအ၀င်ဖြစ်ပါတယ်။

မြန်မာနိုင်ငံထဲမှာတော့ ၂၀၀၃ ခုနှစ်လောက်ကနေစတင်ပြီးအင်တာနက်နည်းပညာထွန်းကားလာခဲ့ပါတယ်။  gmail ကိုလည်းမြန်မာနိုင်ငံမှာအတိုင်းအတာတစ်ခုအထိကျယ်ပြန့် လာခဲ့သလို…zopia တို့ person တို့ ..  my space တို့ လို site တွေကလည်းအသုံးပြုသူတွေရှိခဲ့ပါတယ်။ဒီလိုပဲ…blog တွေကိုလည်းစိတ်ဝင်စားပြီးရေးသား သူတွေလည်းပေါ်ထွက်ခဲ့ပါတယ်။ကိုယ်ပိုင်ခံစားချက်တွေကိုမျှဝေတဲ့အနေနဲ့ အသုံးပြုတဲ့ပုံစံမျိုးတော်တော်များပါ တယ်။ တကယ့်လုပ်ငန်းရှင်တွေကတော့ website တွေကိုအသုံးပြုခဲ့ကြပြီးတော့စီးပွားရေးလုပ်ငန်းများအတွက် အသုံးပြုတဲ့ပုံစံမျိုးတွေဖြစ်ပါတယ်။အဲဒီတုန်းကတော့ email ဆိုတာ POP3 mail တွေဖြစ်တဲ့ bagan mail တို့  MPT mail တို့ …mail4u တို့ ဖြစ်ပြီးနောက်ပိုင်းမှာမှသာလျှင် webmail service ဖြစ်တဲ့ gmail ကိုတွင်တွင်  ကျယ်ကျယ်အသုံးပြုလာကြတာဖြစ်ပါတယ်။

ကွန်ပျူတာတစ်လုံးနေသတင်းအချက်အလက်တွေစီးဆင်းမှုတွေမြန်ဆန်လာပြီဖြစ်ပါတယ်။

Gmail ရှိရင် gtalk ကနေတစ်ဆင့် gmail account ရှိသူအချင်းချင်းဆက်သွယ်လို့ ရတဲ့အတွက် gtalk ဟာ လူကြိုက်များခဲ့ပါတယ်။ကိုယ်ပိုင်ခံစားချက်တွေကိုမျှဝေတဲ့ blog လေးတွေကိုလည်း ကြိုက်တဲ့သူဖတ်တဲ့သူ တွေရှိပါတယ်။ခုခေတ်မှာတော့ Media လုပ်ငန်းတွေအပါအ၀င် blog တွေကို Information corner တွေအဖြစ် အသုံးပြုလာသလို နယ်ပယ်အသီးသီးအတွက် blog လေးတွေ၊ site လေးတွေကိုအသုံးများလာခဲ့ပြီဖြစ်ပါတယ်။ များသောအားဖြင့် Personal နဲ့ ဖျော်ဖြေရေးတစ်ခုအသွင်အသုံးများခဲ့တာဖြစ်ပြီးတကယ်တမ်း online media အဖြစ် ကျယ်ကျယ်ပြန့် ပြန့် လူသိများခဲ့တာကတော့ ၂၀၀၇ ခုနှစ်၊ရွှေဝါရောင်တော်လှန်ရေးကြောင့်ပဲဖြစ်ပါ တယ်။

ဖြစ်ပျက်နေတဲ့ဖြစ်ရပ်တွေကို live ရိုက်တဲ့သူတွေရှိသလိုအချိန်နဲ့ တစ်ပြေးညီတင်ပေးတဲ့သူတွေရှိတဲ့အတွက် အဲဒီတုန်းက “Mizzima “ ဆိုတဲ့ site လေးဟာနာမည်ကြီးပြီးလူကြည့်များသလို online ကနေတစ်ဆင့်  လက်တွေ့ လူတွေဖြစ်ပျက်နေတဲ့ဖြစ်ရပ်တွေကိုလည်းကြည့်နိုင်ခဲ့ပါတယ်။ ဒါကြောင့်လည်း online မှာသတင်း တွေကိုလည်းအချိန်နဲ့ တစ်ပြေးညီဖတ်နိုင်ပါလား..ဆိုတာလေးကို အင်တာနက်သုံးသူတွေရော၊မသုံးဖြစ်ကြတဲ့  သူတွေရောပါသိလာကြပါတယ်။ ဂြိုဟ်တုရုပ်သံဖမ်းစက်တွေဖြစ်တဲ့ ၈ ပေစလောင်းတို့ ၊ ၂ ပေစလောင်းတို့ က လာတာထက်ကို update ပိုသိရပြီး ၁ နာရီလောက်တစ်ခါ update သိရတဲ့အတွက် အင်တာနက်ကိုလူစိတ်ဝင် စားလာသလို အင်တာနက်ဟာလည်း လူတွေဆီကို အချိန်နဲ့ တစ်ပြေးညီသတင်းအချက်အလက်တွေတင်ဆက်  နိုင်မယ့် online media အဖြစ်နေရာရလာခဲ့တာဖြစ်ပါတယ်။

ခုဆိုရင် mobile ဖုန်းတွေကနေတစ်ဆင့် (ဖုန်းအင်တာနက်မှတစ်ဆင့်) သတင်းတွေကိုအချိန်နဲ့ အမျှသိနိုင်နေပြီဖြစ်ပါတယ်။

အဲဒီလိုပဲ တစ်ချို့ တွေဟာ ဖုန်းတွေနဲ့ကိုယ်တိုင်ကိုယ်ကျမှတ်တမ်းတင်ရိုက်ကူးပြီးအင်တာနက်ကနေတစ်ဆင့် တင်နိုင်တဲ့အတွက်လည်း Mizzima တစ်ခုတည်းကသာမက အခြားသူတွေရဲ့မှတ်တမ်းတွေအနေနဲ့ လည်း ကြည့်ရှုနိုင်လာခဲ့ပါတယ်။နောက်ပိုင်းတော့ Mizzima website ကို သက်ဆိုင်ရာမှာ ကန့် သတ်ပိတ်ဆို့ တာတွေ လုပ်တဲ့အတွက် Mizzima website ရဲ့IP Number ကိုတိုက်ရိုက်ထည့်ပြီးကြည့်ရတာတို့ ..Proxy ကျော်ပြီး ကြည့်ရတာတို့ တွေဖြစ်လာပါတယ်။အဲဒီအထိ Mizzima ဟာ online media တစ်ခုအနေနဲ့ ပြည်သူတွေကို မိတ်ဆက်ခဲ့ပြီးနောက်ပိုင်းမှာတော့ ပြည်သူတွေကလည်းအင်တာနက်ကို သတင်းအချက်အလက်ဆိုင်ရာ Information corner အဖြစ်ကိုအသုံးပြုလာခဲ့ကြပါတယ်။

နောက်ပိုင်းမှာတော့အင်တာနက်အသုံးပြုသူတွေဟာတစ်နှစ်ထက်တစ်နှစ်ကိုများများလာခဲ့ပါတယ်။နောက်ပိုင်း social network တစ်ခုဖြစ်တဲ့ facebook ကလည်းတွင်ကျယ်လာပြန်တော့ Information sharing တွေဟာ ပိုမိုမြန်ဆန်လာခဲ့ပြီး ယခုဆိုရင် facebook ဟာ Online Media ရဲ့ပင်မကျောရိုးတစ်ခုသဖွယ်တောင်ဖြစ်လာ ခဲ့ပြီဖြစ်ပါတယ်။ Personal အနေနဲ့ အသုံးပြုရုံသာမကကိုယ့်လုပ်ငန်း၊၀ါသနာတူစုဝေးရာအဖြစ် facebook group လေးတွေ၊ facebook page တွေနဲ့ fun club တွေကနေတဆင့်သတင်းအချက်အလက်စီးဆင်းမှုတွေ  မြန်ဆန်လာခဲ့ပါပြီ။ ဟဲ..ဟဲ..ခုဆိုရင်ဘယ်လိုသတင်းမျိုးကိုမြန်မြန်သိချင်လဲ …facebook ကိုတက်ကြည့်ဆိုတဲ့ trust ဖြစ်စရာ icon တစ်ခုအဖြစ် facebook က online media တာဝန်ကိုထမ်းဆောင်လျက်ရှိပါတယ်။

ဒါပေမဲ့လည်း blog တွေနဲ့ website တွေကိုလည်း official dignity အဖြစ်အသုံးပြုကြတဲ့အတွက်အဖွဲ့ အစည်း၊ အသင်းအဖွဲ့ တစ်ခုခုရဲ့တရားဝင်ထုတ်ပြန်တဲ့သတင်းဆိုတဲ့ trusted icon အဖြစ်လည်းအသုံးပြုနေကြပါတယ်။ ဘာလို့ လဲဆိုတော့ Social Network တွေမှာ အားနည်းချက်တွေ၊လုံခြုံရေးဆိုင်ရာအားနည်းချက်တွေနဲ့ privacy ပိုင်းဆိုင်ရာ ကိုယ်ရေးကိုယ်တာဆန်ဆန်အချက်အလက်မျှဝေမှုပုံစံဖြစ်တဲ့အတွက် official use အနေနဲ့trust မရှိလို့ ပဲဖြစ်ပါတယ်။ ဥပမာ…ကျွန်တော်တို့ က facebook မှာသတင်းအချက်အလက်တစ်ခုကိုတင်ဆက်မယ် ဆိုပါစို့ ……social network site တစ်ခုကလာတဲ့ source ဖြစ်တဲ့အတွက်ဒီသတင်းကို အတည်ပြုဖို့ လိုအပ်ပါ မယ်။ ဒီတော့ဒီသတင်းကိုတင်တဲ့သူ(သို့ ) အဖွဲ့ ရဲ့ facebook profile ကိုကြည့်ပါတော့မယ်။ ပြီးတော့တင်တဲ့သူ တွေရဲ့တရားဝင် blog (သို့ ) website ကိုကြည့်ပါတော့မယ်။အဲဒီမှာ blog (သို့ ) site ရှိတယ်ဆိုရင်တော့  သူတို့ တင်တဲ့သတင်းအတွက် ခိုင်မာတဲ့ source တစ်ခုရှိသွားပြီဖြစ်ပါတယ်။

အဲလိုမှမရှိဘူးဆိုရင်တော့ သူတို့ သတင်းအတွက်ကို ယုံကြည်စိတ်ချရမှုနည်းနိုင်သလို ဟုတ်မှဟုတ်ပါ့မလား ဆိုတာတွေလည်းဖြစ်လာနိုင်ပါတယ်။ သတင်းတင်တဲ့သူရဲ့profile (သို့ ) facebook ပေါ်ကသူတို့ အဖွဲ့ ရဲ့profile ကိုကြည့်ရုံနဲ့ သိရုံနဲ့ တော့ Trusted Source ရယ်လို့ ပြောလို့ မရပါ။ ဘာလို့ လဲဆိုတော့ social site ဖြစ်တဲ့အတွက် တစ်ချို့ သောအချက်အလက်တွေဟာဖုံးကွယ်ထားမှုလိမ်ညာထားမှုတွေလည်းရှိနိုင်တဲ့အတွက် ဖြစ်ပါတယ်။ (ဥပမာ…အသက်အမှန်မပြော၊မရေးတာတို့ ….)။ဒါပေမဲ့လည်းမြန်မာနိုင်ငံမှာတော့ Official ဆန် ဆန်သတင်းအချက်အလက်မျှဝေမှုပုံစံထက် ကိုယ်ရေးအချက်အလက်မျှဝေမှုပုံစံကပိုပြီးလွတ်လပ်တဲ့ပုံစံရှိ တာမို့ လို့ facebook ကနေသတင်းအချက်အလက်တွေမျှဝေနေသလိုထိရောက်မှုတွေလည်းရှိခဲ့ပါတယ်။

မနန်းခင်ဇေယျာ Miss Internet ဆုရတာတို့ ၊ မြစ်ဆုံအရေး၊လက်ပံတောင်းတောင်ကြေးနီစီမံကိန်းတို့ ၊ရခိုင် အရေးတို့ ခုနောက်ဆုံး ကချင်ပြည်နယ်အရေးတို့ ဟာ facebook သတင်းအချက်အလက်မျှဝေမှုပုံစံကနေ ပြည်သူတွေလိုလားတဲ့ဆန္ဒတွေကိုပြသနိုင်ခဲ့သလို ထိရောက်မှုတွေလည်းရှိခဲ့ပါတယ်။ အံ့သြဖွယ်သတင်း  အချက်အလက်စီးဆင်းမှုတွေကနေရာတိုင်းမှာဖြစ်နေပြီး ခုဆိုရင်ပြည်သူတိုင်းဟာ online media ရဲ့အစိတ် အပိုင်း (သို့ ) citizen journalist များအဖြစ်ပါဝင်စီးမျောလျက်ရှိနေပါကြောင်းရေးသားလိုက်ရပါတယ်။